google+ facebook twitter youtube
الرئيسية >> الأخبار

الغرين بويز تخرج عن صمتها بـ "الدارجة" وتوجه رسائل نارية لعدة فعاليات رجاوية

الغرين بويز تخرج عن صمتها بـ "الدارجة" وتوجه رسائل نارية لعدة فعاليات رجاوية
04/06/2017 - 23:57

سامي مسرور / بلاغ إلترا "غرين بويز"


"السلام عليكم.

الإخوة جميع مكونات الرجاء:

انختاصرو على الجميع :

موقف لكروب كان و باقي واضح لا مع لي كان لا مع لي كاين لا مع لي غايكون.

ايلا القديم سالا و مشا رغم ان بعض الزبانية لا زالت متشبتة او حالمة لا يهم.
في احيان عدة هم أكتر ضررا للرجاء منه.

بخصوص الرئيس الحالي موقف المجموعة كان واضح قبل تعيينه و قلنا بالعلالي مستحيل اينجح شي رئيس طالع بديك الطريقة، لا برنامج لا مخطط لا إجماع ومن ورا ازمة .

بدينا ببلاغ واضح و صريح قبل الجمع العام الإستتنائي تم بالميدان بماتش طنجة الحبي : remettez les pendules à l'heure.
أكدنا موقفنا فالمدرجات فلقاء العسكر بمراكش و سمعناه للصمك فماتش الجديدة و ما لازمة لعبي يا رجا وا .....و........ولي مع .....إلا تعبير واضح و صريح و معلن للمجموعة فالتيران ولا نزايد فهادشي على تا شي رجاوي هذا دورنا رغم ان شي وحدين كيستاغلو صوت الأحرار لمصالح ضيقة و شخصية و صراعات كتهلك الفريق.

إيلا الصورة واضحة اتجاه لي تحط يسير الراجا فالصورة واضحة ايضا اتجاه اشباه اللاعبين من النقابيين و اصحاب البلاغات في سابقة فتاريخ الراجا ولن نرضى بهذا الهراء و التخربيق .

نفس الموقف نعلنه من بزاف فمحيط الرجاء لي كيحاولو ينصبوا راسهم قادة و ابطال بالإضافة لتناسل الصفحات والتخبية ورائهاو التبرهيش مما زاد المشهد تشردما .

نفس الموقف من مؤسسة المنخرطين لي ابانو على ضعف كبير و إنقسام فضيع و فالوقت لي كيبان اجماع شبه كلي على استحالة استمرار الرئيس كينقاسمو هوما دون اي شرح للموقف و كيهربو للفايس بوك و كلها كيلغي بلغاه مما يزكي نضرية المؤامرة و اللعب تحت الطابلة و التسيير عن بعد و تسبيق المهن الشخصية على برلمان الرجاء و دوره: ها الالومنيوم ها كراء السيارات ها لبني ها السفريات ها السخط المتسخ .

ضد كل هادشي و يكفي يكفي يكفي ديال بصح.

رغم وضوح موقف المجموعة ولي كيبغي بنادم يسد ودنيه و يغمض عينيه عليه بدون سبب إختارت المجموعة الصمود بالميدان و دعم الفريق و جمع اكبر عدد من النقط تماشيا مع قناعتها الراسخة ألا رجاء بدون جمهورها حتى وقع لي وقع.

الشيء بالشيء يذكر : لا نخفي مسؤوليتنا في حال المدرج الجنوبي لي هو فالأصل نقطة قوة الرجاء و لذينا الشجاعة للإعتراف و نتمنى من الجميع يترجل و يعتارف بالمسؤولية ديالو كل من موقعه فالمشهد الرجاوي من اصغر واحد كيكتب فالحائط ديالو لأكبر مسؤول.

الراجا كتسير فالواقع بمخططات واضحة بمؤسسات شفافة و حية و متفاعلة و بخارطة طريق عملية ماشي فالصفحات و لا الميكروات ولا بالتساطيح و على الله تصدق ولا بدرت لي عليا را هي هكا.
ابدا و يستحيل.

لي كنعيشوه كاملين ولي انعاودو نقولوه لهاد الرئيس دون الدخول فحيتيات التسيير و الأرقام و الأخطاء و الحفير و الحفير المضاد و النجاحات : الأزمة أزمة تقة يعني الموضوع منتهي.

لا يمكن الاستمرار و يستحيل.

لا يمكن لأي واحد اخر يعاود تاني يطلع بنفس الطريقة و نجبدو معاه عام اخر.

لا يمكن لمؤسسة الراجا تبقا هاكا حكرا على أسماء بعينها فالتسيير و على لي عندو مليون فالإنخراط ولا لي عندو صفحة كبيرة يحكم .

وصل الميساج للجميع ومنهم و نعيد نحن أيضا معنيون: تبارك الله و هو مانريد ما وصلش نحن لا نتمنى دفعنا لأساليب اخرى.

إلى إشعار اخر قوة الرجاء فالمدرج الجنوبي .

نلتقي قريبا .

ديما راجا
تعيش الفكرة.".

comments powered by Disqus